難得一見值得我認真打食評嘅美食|東京爆醬蘋果批
撈勻：嗰邊間芝士撻香港冇呀，去試下囉😍
🚗：你肯定嗰間真係芝士撻嚟嘅😅
撈勻：唔理啦！咁多人排隊一定好好味😆
🚗：你啲邏輯真係……
撈勻：一陣好好食，唔好問我攞，我唔會俾你😤
🚗：超！咪又係我俾錢，講到咁威😒
撈勻：但係點解啲芝士撻咁嘅色，仲要半圓形嘅😂
🚗：白痴😒咦到寫到明係Apple pie呀😓芝屎撻呀馬🙄
撈匀：是但啦，唔理啦照食😚
.
就係咁，我同撈匀又再一次誤打誤撞
食左啲完全冇計劃過去食嘅野
不過又再次有意外驚喜😱
其實遙遠已經聞到陣陣嘅酥皮同牛油味
香到隔離街都聞到
到排到門口個下香到一個點😨
我差啲想用保鮮袋打包啲香味番屋企😂
.
認真嘅食評🤓
第一啖咬落去，岩岩出爐熱辣辣嘅蘋果批
外層鬆脆而帶甜嘅酥皮
滲出濃濃嘅牛油香氣😤
蘋果蓉中嘅蘋果粒入口即溶☺️
而且充滿住超濃郁嘅蘋果香味
伴隨住微微嘅玉桂香味
嗅覺方面已經超晒班👍🏻
另外蘋果蓉超乎想像咁甜😊
但係因為甜味係慢慢滲透出黎
所以甜而不膩，甜得有道理😌
.
再咬多啖，發現原來仲有驚喜😱
由蘋果批爆出嘅奶油吉士
除左可以減少食得太多同一隻口味嘅厭倦感
更令蘋果批進入另一個層次😲
不但同酥皮很好咁配合住
亦冇搶過蘋果嘅味道
兩者嘅平均攞得好好👍🏻
好食到忍唔住認真咁打左篇食評比佢🙈
.
雖然睇落條隊好似好長
仲要每次淨係會serve一個客人
而且串到每人限買4個😑
不過都只係排左兩個字就買到😗
不得不提，價錢都高得幾緊要
不過鍾意食甜野或者蘋果批之類
一定要試，佢係我日本之旅食過最好食嘅野，冇之一😤
Search